kenesh.org

 
  • Увеличить размер шрифта
  • Размер шрифта по умолчанию
  • Уменьшить размер шрифта
Новости
Индекс материала
Новости
ошмес син
№1
№2
№3
№4
Page #
Все страницы

 

 

Журналмылэн дасэтӥ номерез. 

 


2—5-тӥ коньывуонэ Ханты-Мансийск карын ортчиз Россиысь финн-угор журналистъёслэн VIII фестивальзы. Ханты-Мансийск автономи округлэн шоркараз люкаськизы Марий Элысь, Удмуртиысь, Мордовиысь, Коми Республикаысь, Коми-Пермяк автономи округысь йќскалык кылъёсын потӥсь газет-журналъёсын ужасьёс.

Ужрадэ люкаськонлэн мукет мугез но вал: ханты кылын потӥсь "Ханты ясанг" газетлы туэ 60 ар тырмиз.

Фестивалез радъясьёс йќскалык изданиос куспын пќртэм номинациосъя конкурс ялӥзы вал. "Кенеш" журнал — вормисьёс пќлын. Њечкыласьком лыдœисьёсмес но, асьмеды но. Вуоноез таŸе фестиваль ортчоз 2019-тӥ арын Саранскын.  

 

Журналмылэн укмысэтӥ номерез.

 

Журналмылэн тямысэтӥ номерез быдэсак егит гожъясьёлэн творчествозылы сӥземын.  

Критика но библиография

Владимир Кравцов

КыŸе егитэсь ми вал!

Валераен ми абитуриент дыръямы МГУ-лэн журналистика ёзэтаз шулдыр 1988-тӥ арын гужем нуналэ пумиським. Малы шулдыр шуисько? Малы ке шуоно мон соку гинэ армиысь — «Байконур» космодромысь — бертӥ но космосын кадь šоглыкен кык ар служба Ÿоже ыштэм шумпотонъёсме берыктыны тырши: книгаосты, гитараен уй Ÿоже шулдыр пуконъёсты, эшъёсын сюлмысь вераськонъёсты, крезьгурен тунсыкъяськонэз. Валералэн но одӥгез яратонэз крезьгур вал. Со ик милемыз огазеяз.

Милемыз, журфаке пырыны лыктэмъёсыз, Шверник урамысь огъяулонние интыязы. Экзамен сётыкумы, комнатаын ми вить кузя улӥм. Но мон ваньзы пќлысь эшлы Валераез бырйи. Ачим но со сямен ик кыдёкысь гуртысь потэмын, со сямен ик Москваез уг тодӥськы — соин, дыр. Нош кыŸе ваньзэ учкем-адœем потэ вал!

Москваын соку вал, мар учкыны. Выльдӥськон тќльёс пельтыны кутскизы. Ваньмыз кыŸе ке но воштӥськонъёслы оско. Крезьгур улонын но — революция. Соку туж тодмо луизы «Браво» группа но солэн валтӥсь кырœасез Жанна Агузарова. Соослы луыса ик, ми Валераен туж матысь эшъяським.

Одӥг пол мон Агузаровалэн концертэз бере огъяулонние берытски но бускельёсылы Жанналэсь автографсэ возьматӥ. Эшшо верай на, Ÿош вераськыса пуким но азьланяз пумиськом на шуыса. Валера мынэсьтым Агузаровалэн концертъёсыз сярысь юалляськыны кутскиз, нош мукет нуналаз šытазе Жанналэн автографез солэн но вал ни. Милемлы Валераен ваньмыз туж вожъяськизы.

Валерий Батуев со гужеме МГУ-лэн студентэз ќз луы. Экзаменъёссэ одӥгзэ но умой ќз сёты, малы ке шуоно ќз ик дасяськы, книга сьќрын пукемзэ ќй адœылы. Но со мукет ласянь узырмиз: солэн блокнотаз кырœасьёслэн, кылбурчиослэн, музыкантъёслэн телефон номеръёссы, адресъёссы кылдӥзы. Соос ик вуоно статьяосызлэн нырысетӥ геройёсыз луизы. Кќня ке ар ортчыса, со адямиос туж тодмоесь вал ни.

— Ќд пыры шуыса уд жаляськы-а? — юай Валералэсь люкиськыкумы.

— Уг, — шуиз Валера. — Но табере мон тодӥсько ни, мар мыным кулэ. Мон крезьгуръя журналист луо.

Ми кык арлы люкиським. Мон журфаке пыри но студент улонэ йырыным ик месӥськи. Нош Валераез армие Дальний Востоке басьтӥзы. Со пограничник-кинолог луиз, пуныосын ужаз. Ветеринар техникумын дышетскемез но та удысъя кќня ке ужамез юрттӥзы. Кык ар Ÿоже ик ми ог-огенымы гожтэтъёс пыр кусып возимы. Валералэн милям Москваын шукрес улонмы, огъя тодмоосмы сярысь ваньзэ тодэмез потэ вал.

Паймымон, маин гинэ со ќз тунсыкъяськы: политикаен но, мер улонэн но, журналистикаен но, паймымон крезьгур дуннеен но. Мар вылез шоу-бизнесын, культура, спорт удысъёсын — ваньмыз сярысь пыр-поч юалляськыса гожъялляз.

Нош 1990-тӥ арын сӥзьыл огъяулонниысь мынам 503-тӥ номеро комнатаям йыгаськись луиз. Ќсэз усьтӥсько но, ќс куспын — пограничник, старшой сержант Валерий Батуев! Службазэс йылпумъяса бертӥсьёс кадь ик туж йќно дӥсяськемын: ожгар  дӥсез мугорызъя тупатъямын, данъетъёсыз гадь вылаз бырттылэмын, погонъёсыз гочато. Ми œыгырским. Эшелэсь бертэмзэ со нуналэ ик пусйыны вераським.

Šог гинэ šќк дасямы: студентъёс кин мар вайиз. Огъя тодмоосмес, эшъёсмес ќтим. Туж шулдыр пуким! Валералэсь ожгар дӥсьсэ вань мылкыд карисез мертаз. Кин ке фотоаппарат вайиз но, ми та пумиськонэз пыраклы туспуктэме кельтӥм (учке 2-тӥ фотоез). Мон Валералэн мыным кузьымлы ваем тельняшкаеныз. Синпельлы со фотоез али но возисько на. Џош пуксем туспуктэммес Ÿемысь учкылӥсько но таŸе пинал но вылӥськеммы шуыса паймисько.

Вуоно араз Валера МГУ-лэн журналистика ёзэтаз пыриз, улыны аспирантлэн но стажёрлэн юртазы (ДАС) интыяськиз. Студент дыръяз ик со Эрик Батуев нимын тодмо журналист но кылбурчи луиз.

Дышетскыкуз ик трос гожъяськиз. Кытысь ваньмызлы дыр шедьтылӥз! Тросэныз газет-журналъёсын кусып возиз, отчы гожъяськылӥз. Уже интыяськыса, «Московский комсомолец» но «Аргументы и факты» газетъёслэн крезьгуръя отделъёсазы тыршиз. Соку ик политикаен герœаськем лэчыт статьяосыз потаны кутскизы.

Со сяна, кылбуръёс гожъяз, спортлы но дыр шедьтылӥз. Факультетын мугорез кыдатон культурая кафедраысь преподавательёс сое туж ярато вал. Со котьку факультет понна кузь иськемъёсы бызьылӥз. Валера, палэнысен учкыса, чиед гинэ кадь ке но, кужмо вал, тазалыкезлы но ноку ќз šожтӥськылы. Эшшо армиын мугорзэ кыдатӥз на. Лул кужымез но солэн сыŸе ик бадœым вал.

1995-тӥ арын нырысетӥ чечен ож пуромем бере Валера тыложе командировкае мынӥсь нырысетӥосыз журналистъёс пќлын вал. Солэн та югдур шоры — аслаз учконэз. Валералэн ваньзэ ас синмыныз адœемез, тыложе пыриськем адямиосын пумиськемез потэ вал. Соин ик чечен командиръёсын Аслан Масхадовен, Салман Радуевен, Джохар Дудаевен асэнызы вераськиз, соослэсь интервью басьтӥз.

Журналистлы озьы ужаны туж бадœым дӥсьтон кулэ. Нырысетӥ чечен тылож дыръя журналистъёслы федералъёслэсь но, боевикъёслэсь но интервью басьтыны лэзё на вал. Валерий Батуев котьку зэмлыко, шара гожъяз, тросэз озьы гожъяськыны ќз дӥсьтылэ. Со понна журналистэз сопалась но, тапалась но ожмаськисьёс гажало вал. Салман Радуев сое сюаназ но ќтьылӥз!

— Чеченъёс монэ асьсэлэн каро, — тылож бусыысь бертэмез бере мадьылӥз милемлы, — Батуев фамилие юрттэ. Одӥг пол чеченъёслэн командиренызы интервью лэсьтыса бертӥсько. Вистэм-вожтэм лобись пуляос улэ шеди: асьмелэнъёс ыбыло. Чеченъёс соку, монэ утён вылысь, бордам автоматэн дас кык аресъем пияшез пуктӥзы. Мон ватскемын пукисько, нош со монэ, асьмелэнъёс ик медаз васькытэ шуыса, утьыны тырше. Тӥни сыŸе валантэм война...

Чечняе со трос пол ветлӥз. Контузия улэ но шедиз. Газетэ материал гожтон вылысь кќня пол меда кулон доры матэктылӥз!

Адямилы юрттыны но пумит ноку ќз кариськылы. Мон но улонам секыт вакытъёсы Валералы жингыртӥсько вал:

— Лыкты, пуком, вераськом.

Вань ужъёссэ куштыса, со мон доры лобыса вуэ ни. Часъёсын улон сярысь вераськыса пукиськом. Валера эшъяськыны быгатэ вал. Лякыт, вазиськись, керетӥсьтэм. СыŸе сямо журналистъёсты шер пумиталод. Кык туж œеч сямзэ пусйысал на. Со котьку зэмлык, шонерлык палан вал. Эшшо: йырысеныз пыдозяз интеллигент, со сямъёсыз анай йќлын пушказ пыŸамын, дыр. Кузпалыныз люкиськыкуз но ассэ туж йќн возиз. Со вакытэ Валера «Аргументы и факты» газетын ужа вал. Кузпалыз сярысь сюлмаськыса, огъяулонниысь коммунальной квартирае потӥзы, отын улон понна Ÿужиськисьын но ужано луиз. Вазь Ÿукнаосы Остоженкаын эшеныз — туннэ тодмо журналистэн, крезьгуръя критикен Владимир Полупановен — азбар Ÿужылӥзы.

Укмыстонэтӥ аръёсы Валералэн со квартираяз куноын кин гинэ ќй вал: тросэз туннэ тодмо луэм кырœасьёс, журналистъёс, музыкантъёс. Нош Шура кырœась огвакытэ отын улӥз но. Валера дорын люкаськылыны яратӥзы: вераськыса, кырœаса Ÿукнаозь пукылӥзы. Эшелэн кузпалыз ымзэ усьтыса ик кылзӥськылӥз чебер улон сярысь вераськонъёсты. Ачиз Валера со супыльтонъёсты уг яраты вал, кузпалзэ но мултэс кылзӥськыса пукемлэсь алылӥз. Со интые уж утчаны дэмлалляз. Озьы керетонъёссы потылӥзы, соос ик люкиськонозь вуттӥзы.

Валералы туж секыт вал, мур куректӥз, но сыŸе зӥбиськем мылкыдзэ ќз возьматылы.

— Валаськод-а, — шуылӥз со мыным, — мон аслым кузпал юри гуртысь басьтӥ вал. Москваысь медаз луы кадь потылӥз, соос татын укыр эрказмемын. Нылашме Москвае вайи, шоркаренымы, эшъёсыным тодматӥ. Малпай вал, со Москваез мукет ласянь но адœоз, улонын ваньмыз коньдонэн гинэ уг мертаськы шуыса валалоз. Но озьы ќз луы. Сое ресторанъёс, шулдыръяськон, коньдон мальдытӥзы. Нош мынам нылпиосмы мед луозы кадь потэ вал, Удмуртие анае доры Ÿемысь бертылом шуыса оскылӥ.

Валера анайзэ но вордӥськем палъёссэ туж яратӥз. Со мылкыдъёс мыным но тодмо. Мон но Москвалэсь палэнын, Дон шур дурысь станицаын, атайтэк будэмын. Эше сямен ик матысь адямиосылэсь, дорелэсь туж мќзмисько вал. Валера удмурт шаерез, гуртэз, Ÿыжы-выжыосыз сярысь мыным трос мадьылӥз, дораз куное но ќтьылӥз.

Москваын Валера вордӥськем палъёсызлэсь туж-туж мќзме шуыса шќдӥсько вал. Кузпал но дор палысьтыз матысь эш луоз шуыса вайиз ук. Эшелэн мќзмыт мылкыдъёсыз соку кылбуръёсаз но выжизы.

1996-тӥ арын «Тень моей жизни» кылбур сузьетэз потӥз. Мыным кузьмакуз, шумпотэмзэ ватыны но ќз тыршы.

— Табере ваньмыз пќрмоз! — Валералэн синъёсыз чиляло. — Кылбуръёсы но веросъёсы йырам вить бичет тыр малпамын ни.

Со аре ик эше МГУ-лэн журналистика ёзэтэзлэн аспирантураяз пыриз, мон отын кык ар дышетскисько ни вал. Озьы ми нош ик огазе луимы. Пќртэм ужрадъёсын, пресс-конференциосын, командировкаосын пумиськылћм. Валера соку «Московские новости» газетын ужаз, мон — «Деловой мирын».

2002-тћ арын Эрик Батуев Москваын тодмо журналист вал ни, нош ас шаераз сое усто кылбурчиен тодо вал. Оскисько, љоген солэн нимыз быдэс росси литератураын аспќртэмлыко чузъяськысал. Уго азьланезлы малпанъёсыз туж трос вал. Одћгез сярысь со мыным кулон азязгес вераз.

2002-тћ арын 23-тћ тулыспалэ мон котьку сямен ик Валераез воргоронъёслэн праздникенызы њечкыласа жингыртћ. Со книга гожтыны кутскемез сярысь мыным ивортћз:

— «Кызьы журналистлы тыложын улэп кылёно» («Как журналисту выжить на войне») — озьы книгаме нимай, бќрысь, оло, нимзэ вошто ай. Тыложе мынћсь журналистъёслы валэктэме потэ, кызьы сыџе дыръя астэ возёно, улэп кылён понна ма кароно. Кќняез журналистъёс, югдурез тодытэк, чапчара бырыны шедё. Талы ведь нокытын уг дышето.

Мон юай на: «Нош ваньмызлэн меда та война сярысь зэмлыкез тодэмез потоз?» Валера шонерзэ гожто шуиз, книгаез потэм бере нырысетћ экземпляръёссэ мыным но обороная министрлы кузьмало, пе. Нош 31-тћ южтолэзе сое виизы…

Кулэмез пумысен мар гожъязы мон тодћсько, но солы уг оскиськы.  Валера укыр трос тодэ вал. Высоцкийлэн кылбурчиос сярысь гожтэмез соку ик тодэ лыктэ: «Зарезанный за то, что был опасен». Таиз тани Валера сярысь.

Шимес иворез мон «Комсомольская правда» газетысь Москваысь Нью-Йорке самолётэн лобыкум тодћ. Эшме берпуметӥ сюрес вылаз келяны уг быгаты шуыса валай, газетме палэнтћ но, синкылиосме кутыны ќй быгаты ни.

 

Владимир Кравцов

Тазэ автормес Москваысь шедьтћм. Тазьы вал со. Туэ куартолэзе Москваын Медиаиндустрилэн академияз дышетскыны кылдћз. Одӥгез дышетӥсьмы, ми Удмуртиысь шуыса тодэмез бере, Эрик Батуев сярысь вераны кутскиз. Соос Валераен МГУ-лэн журналистика ёзэтаз но аспирантураын Ÿош дышетскиллям, матысь эшъёс вылӥллям.

Мон соку ик преподавательмес, Владимир Владимирович Кравцовез, Батуев сярысь тодэ ваёнъёссэ журналамы гожтыны кури. Со куронме šоген быдэстӥз.

В. В. Кравцов — Медиаиндустрия академилэн журналистикая кафедраысьтыз профессор, Россия Федерацилэн Президентэз бордын ужась Калык хозяйствоя но кун службая росси академилэн мер кусыпъёсъя но медиаполитикая кафедраысьтыз профессор, кылосбур тодосъёсъя доктор, «Правда», «Деловой мир», «РОССIЯ» газетъёсын, «Менатеп» банклэн пресс-службаяз, Кун Думаын но трос мукет интыосын ужам журналист, «Политическая журналистика в Интернете», «Журналист в избирательном процессе» но мукет дышетскон книгаослэн авторзы.

Владимир Кравцов та ужзэ Валералэн 23-тӥ куарусёнэ 48 арес тырмонэзлы сӥзе.

Ольга Бородина.  

 

 

 

 

 

 

 

Гажано лыдӟисьёсмы, «Кенеш» журналлэн cизьыметӥ номерез потӥз.

 

 

Новости 

 «Кенеш» журналын ужасьёс тулыспал толэзе Можга ёросысь Бадӟым Кибъя но Бадӟым Сибы гуртъёсын улӥсьёсын, Можга кар педколледжысь студентъёсын но Пичи Пурга ёросысь Бобъя-Уча, Яган-Докъя гуртъёсысь лыдӟисьёсынызы пумиськылӥзы.

 


Бадӟым Кибъя

 


  
  
  


 Бадӟым Сибы

 
  
  
 
 

 Можга кар педколледжысь студентъёс туала манеръя вурем удмурт дэремъёсынызы

  
  
 
 
  

 Яган-Докъя

  
  
 
 
  

 Бобъя-Уча

  
  
  
  

 

 

 


                                                                                               Сарапулысь удмуртъёс дорын

28-тӥ тулыспалэ,  Ÿапак "Кенеш" журналлэн вордӥськем нуналаз, редакциын ужасьёс Сарапул каре асьсэ лыдœисьёссы доры потазы. Та пумиськонэз радъяз "Удмурт кенешлэн" Сарапул ёзэзлэн кивалтӥсез Раиса Фадеевна Трофимова.

Пумиськонэ трос калык люкаськиз: Сарапулын улӥсьёс сяна, матысь гуртъёсысь но вуизы. Šытэз Шевыряловоысь, Сарапулысь ансамбльёс шулдыртӥзы, егитъёс но бере ќз кыле: кырœазы но, куное лыктэм кылбурчиослэсь — Галина Романовалэсь, Ольга Бородиналэсь, Любовь Тихоновалэсь — кылбуръёссэс но лыдœизы. Собере кыл сётӥзы куноослы.

Ужрад туж шуныт ортчиз. Сое радъясьёс туж рос-прос дасяськиллям. Тужгес но шумпоттӥз соиз: пумиськонэ трос удмурт егитъёс лыктӥллям. Соос мукет ёросъёсысь ке но, Сарапулысь пќртэм дышетсконниосын али тодон-валан люкало. Сарапулэз œуч кар шуо ке но, "Кенеш" журнал татысь аслыз трос выль эшъёс, лыдœисьёс шедьтӥз.

Раиса Фадеевналэсь мыло-кыдо тыршемзэ вылӥ дунъяса, "Кенеш" журналлэн редакциез та чырмыт, жингрес куараё нылкышнолы сюлмысь тау каре.   

 

 

 


 Гажано лыдӟисьёсмы, «Кенеш» журналлэн куинетӥ номерез потӥз. 

Отысь тӥ лыдӟыны быгатоды: 

ПРОЗА 
Анатолий ПЕРЕВОЗЧИКОВ «Сьӧлыктэм сьӧлык», кузьмадёс, азьланьтонэз 
Елена МИННИГАРАЕВА «69 ар ортчыса, яке Кызьы Лёва, Марьёк но мукетъёс Йырвизь дуннее вуылӥзы», фэнтези, азьланьтонэз 

ПОЭЗИЯ 
Галина РОМАНОВА «Яратон тугоко», кылбур сузьет 
Василий ГЛУШКОВ «Шуд, тулкым!», кылбур сузьет 

ЛЫДӞИСЬЁСМЫЛЭН ЧУРЪЁССЫ 
Эдуард КРЫЛОВ «Юзмыт вудэ веръятӥд», кылбур сузьет 
Татьяна ВОРОНЦОВА «Сюлэмы лобӟе, лобӟе…», кылбур сузьет 
НЫЛПИ ДУННЕ 
Вениамин ИВШИН «Арлэн сюрестӥз. Тулыс» 

УЛОН ГЕРДЪЁС 
АТАМАНОВ-ЭГРАПИ Микаль «Покчи дор музъеме». Грак тетрадысь: тодэ ваёнъёс. Азьланьтонзы 

ШАЕРМЫЛЭН ИСТОРИЫСЬТЫЗ 
Евгений ЭЖБАЕВ «Мусо доре, Чистостеме" 

ИСКУССТВО УДЫСЫСЬ 
Галина РОМАНОВА Валентина но Игорь Моисеев кузпалъёслэсь интервью басьтэ 

КРИТИКА НО БИБЛИОГРАФИЯ 
Лидия НЯНЬКИНА "Татьяна ЗАЙЦЕВАлы — 60"
Лия МАЛЫХ «Огазеясь» статьяяз Людмила Хрулёва сярысь гожтэ. Солы 75 арес туэ тырмысал. 

ОЛО ЗЭМ, ОЛО ДАУР 
Рашит ХАЙДАР «Эк, шу!.. Йыроми…», серемес верос 

АДӞЫТОН 
Любовь АЛЕКСАНДРОВА «Лул-кӧкыяз – инкуазь суредъёс» 

Нош крезьгурен тунсыкъяськисьёслы висъямын «Жингырты, удмурт кырӟан» сэрег. 

Куд-ог гожтосъёслэсь оглюкетъёссэ дэмласькомы: 


Анатолий Перевозчиков «Сьӧлыктэм сьӧлык» кузьмадёс, оглюкетэз: 

«Армие шедьыса, мон огзэ туж ӟеч валай: адями котькытын адями луыны кулэ. Гражданкаын сямен ик армиын но уродъёсыз но, умойёсыз но вань. Кыӵе ке книгаысь лыдӟеме вань, солэн пуштросэз таӵегес вал: кинлы матысь адямиосыз яратонзэс бусьтыр сёто, сое со мукетъёсызлы но шырыт кисьтэ. Нош кин улонысь уродзэ тросгес пумита, со мукетъёссэ но уродэн чик жалятэк ӵушка…» 


Елена Миннигараева «69 ар ортчыса, яке кызьы Лёва, Марьёк но мукетъёс йырвизь дуннее вуылӥзы» фэнтези, оглюкетэз: 

«Зор макем ӝог вуиз, сокем ӝог ик кошкиз. Кофтазэ крезь вылысь басьтыса, нылаш зар-зар бӧрдыны дась вал. Крезьлэн пу мугорыз тордэм, сиосыз чигылӥллям. Улытозяз нылашлы нырысьсэ, дыр, сокем жаль потӥз лултэм арбери. Бен, дас куинь арес тырмытозяз солэн трос ыштонъёсыз вал ни: туж чебер льӧль сотикез вуэ усиз, тужгес яратоно дэремезлэсь азьзэ огпол кесиз, Выль арлы кузьмано смартфон ӧз донгиськы, компьютерез вирусъёсын сэрен воксё лябӟиз, нош выльзэ ум басьтэ шуизы, скрипказэ нылаш ачиз пыдлогес ватӥз, соин шудыны мылкыдыз малы ке ӧз тырмы… Но ваньмыз со, крезьлэн тӥяськеменыз ӵошатыса, номыр кадь ик ӧвӧл!» 


Атаманов-Эграпи Микаль «Покчи дор музъеме». Грак тетрадьысь: тодэ ваёнъёс, оглюкетэз: 

«Гуртын, каргуртъёсын, городъёсын но калык юыны чӧлтӥськиз. Уксёед вань ке но, магазинъёсын кулэ вуз ӧвӧл, ӝажыоссы бушесь. Огшоры колбаса, сыр гинэ но уд басьты. Кытчы ваньмыз пыре, быре? Колхоз-совхозъёс арлы быдэ тросгес но тросгес пудо вордо, сӥль, йӧл, курегпуз потто ук. Сиён-юонэз, водкаез калыклы талонъёсын люкылыны кутскизы.» 


Лидия НЯНЬКИНА Татьяна ЗАЙЦЕВАЛЭСЬ интервью басьтӥз. Отысь оглюкетэз: 

«Туала гожъяськон удысын выль нимъёс вань. Со – Дарали Лели, Мария Векшина, Николай Михайлов, Марина Пахомова, озьы ик мукет авторъёс. Вераны возьыт ке но, мон соосты ӧжыт лыдӟемын. Гожъямъёссы сюлэмам сокем ӧз биниське. Ужъёссы йырам бергатэмын, но сюлэм пыр поттэмын ӧвӧл. Авторлэсь шокамзэ, малпаськон ӧрзэ шӧдон понна гожъямъёс пӧлы выйыны кулэ ук. Оло, соослэн гожъямъёссы мыным матын ӧвӧл-а? Семён Самсонов, Генрих Перевощиков, Егор Загребин но со вакытысь мукет писательёс мыным матынэсь но тунсыкоесь вал. Вакытлэн одӥг омыреныз шокам, соин, лэся, ма сярысь гожъязы – ваньмыз валамон но тодмо. 
Туала авторъёс кушем нимын гожъясько. Тросэзлэн нимъёссы мыным номыр уг верало, бордысьтызы палэнто гинэ. Кушем нимез туж валаса басьтоно, со туж яркыт мед луоз, со мед «ыбоз»… Нош егитъёс озьы шудо-а, мар-а? Валантэм.»

 

 

 


Гажано лыдӟисьёсмы, «Кенеш» журналлэн кыкетӥ номерез потӥз ини.

Отысь тӥ лыдӟыны быгатоды: 

 

ПРОЗА

Анатолий ПЕРЕВОЗЧИКОВ  «Сьӧлыктэм сьӧлык», кузьмадёс, кутсконэз

Елена МИННИГАРАЕВА «69 ар ортчыса, яке Кызьы Лёва, Марьёк но мукетъёс Йырвизь дуннее вуылӥзы», фэнтези

 

ПОЭЗИЯ

Алексей ЕЛЬЦОВ  «Сюлэм тылскем дуре кыстӥське», куиньчуръёслэсь сузьет

Андрей САМСОНОВ «Уй тӧлъёс» кылбур сузъет но «Шайвылын пумиськон» улонысь учыр.

 

БУДӤСЬ КУАРАОС

Татьяна БАТАЛЁВА «Сюлмысь поттыса гожтӥ кылбур сузьет», кылбуръёс

 

НЫЛПИ ДУННЕ

Вениамин ИВШИН «Арлэн сюрестӥз»

 

УЛОН ГЕРДЪЁС

АТАМАНОВ-ЭГРАПИ Микаль «Покчи дор музъеме». Грак тетрадысь: тодэ ваёнъёс. Азьланьтонзы

 

Ольга БОРОДИНА  радиожурналистлэсь Анастасия Гребиналэсь интервью басьтӥз.

 

ТОДЭ ВАЁНЪЁС

Алексей САВЕЛЬЕВ «Варлам выжы – юн выжы»

Галина САМСОНОВА «Бурдъясез – инкуазь»

 

Римма РЫЛОВА «Мон йӧнай ини», «Пунэмзэ берыктӥз», «Кезьыт мунчое ветлӥзы», «Гондырлэсь кышказы», нылпиослы сценкаокаос.

 

Виктор ШИБАНОВлэн статьяез  Анатолий Перевозчиковлэн 70 арес тырмонэзлы  сӥземын.

 

Озьы ик тӥ быгатоды татысь лыдӟыны  Удмурт театрысь егит артист но киужъёсъя усточи  Максим Григорьев сярысь.

Нош крезьгурен тунсыкъяськисьёслы висъямын «Жингырты, удмурт кырӟан» сэрег.

 

Куд-ог гожтосъёслэсь оглюкетъёссэ дэмласькомы:

 

Анатолий Перевозчиков «Сьӧлыктэм сьӧлык» кузьмадёс, ог-люкетэз:

«…Вася Педотчаез ас палаз каллен гинэ берыктӥз но льӧль эмезь ымдураз чупыштӥз. Нылмурт ӧз палэнскы. Солы кельшиз, лэся, ческыт пиосмурт ымдур. Эсьма,  ачиз но шӧдытэк синъёссэ кыниз. Быдэс мугортӥз, чечыен пӧсь чай юэмез бере кадь, пӧсь-шуныт вӧлскыны ӧдъяз. Оло, шампан вина куд-а озьы улӟиз но, вир интые, лулсэртӥз ветлыны кутскиз? Котьма медло но, Педотчалы усто, ческыт-ческыт…Соин ик со ачиз но пиосмурт ымдуръёс доры кыстӥськиз, сяська мӧлё муш кадь мертчиськиз…»

 

Елена Миннигараева «69 ар ортчыса, яке кызьы Лёва, Марьёк но мукетъёс йырвизь дуннее вуылӥзы» фэнтези, ог-люкетэз:

«… «Шудкар» лагере огшоры читыр-чутыр сюрес нуэ. Тодӥсьтэмез ӧй но малпасал, со кузя мыныса, нылпиос доры вуод шуыса…Туж шерез гинэ ас понназ тунсыкъяськиз: нош малы пиналъёслы лагерез пыдлось нюлэскы усьтӥзы?...»

 

Атаманов-Эграпи Микаль «Покчи дор музъеме». Грак тетрадьысь: тодэ ваёнъёс, ог-люкетэз:

«… Нош но нош мясокомбинатлэн кивалтӥсез доры мынӥсько. Мырдэм но кызьы соглаш луизы: конвейер уг ни ужа бере, пуртэн вандылоно луоды, пе. Сомында пудоез! Сизьым машинаен ваемын ук. Кин нош вандылоз? Шудон уж-а со – скалэз, ошез вандон! Пудо вандӥсьёсты утчалэ, пе. Коть шуш куараен кесяськыса бӧрды. Сиемзы потыса, сюзы куасьмыса, вӧсь луэм мугоръёссылэн висемзылы чидатэк, пудоосы бӧксо, мискинъёсыз эшшо кутъёс, лузъёс ёрто ни…»

 

 


 "Кылкузё" ӧте дышетскыны

Ялонъёс! Удумурт Элькунысь печатья но ивортодэт вӧлмытонъя агентство но "Кенеш" журналлэн редакциез 26-тӥ шотолэзе егит гожъясьёсын выль пумиськон-дышетскон ортчыто. Со азьлоез сямен ик сӥземын луоз,  гожъяськон ужъёсты чеберлыко литература кылъя тупатъяса, "Кенеш" журналэ поттонлы. *** 27-тӥ оштолэзе туж но туж витиськом удмурт кылын потӥсь ёрос газетъёсты дасясьёсты но радъясьёсты выль пумиськонамы-дышетсконамы. Юанъёсты но лачак кылдӥзы ни, дыр, милям но маке со выльзэ вераммы потэ вылэм.

 ***

«Кенеш» журналлэн редакциез удмурт кылын шонер гожъяськонъя, чеберлыко литература ужъёс кылдытонъя "Кылкузё" шуыса нимам семинаръёс радъя. Дышетсконъёсаз кылбур, верос, кузьмадёс гожъясьёсты, чеберлыко литература удысэн вань тунсыкъяськисьёсты, удмурт редакциосын тыршисьёсты, литература кружокъёсын, огазеяськонъёсын быгатонлыкъёссэс волятӥсьёсты люка.

Кызьы шонер но вольыт гожъяськыны валэктэм сяна, семинарез нуисьёс авторъёсын ӵош ужъёссэс эскерозы но соосты «Кенеш» журналэ поттыны дасялозы.

Пумиськонъёс ортчылозы котькуд толэзьлэн кыкетӥ но ньылетӥ покчиарняяз (пӧсьтолэзе сяна) 16 часысен «Кенешлэн» редакцияз, Пастухов урамысь 13-тӥ номеро юртын.

 

Мылкыд карисьёсты витё «Кенеш» журналлэн редакцияз. Жингыртоно 512-665 но 512-675 телефон номеръёсъя.

 

 

При редакции журнала "Кенеш" начал работу семинар "Кылкузё"  по стилистике удмуртского литературного языка

 "Кылкузё" ("Властелин слова") — так называется семинар по стилистике удмуртского литературного языка, организованный при редакции журнала "Кенеш". Идея создания таких семинарских занятий назрела давно, об этом просили молодые начинающие авторы и корреспонденты районных национальных газет. 

По замыслу организаторов, слушатели семинара, усвоив на занятиях (они будут проходить два раза в месяц) структуру, законы, своеобразие удмуртского языка, к концу года должны стать настоящими его властителями.

Первое семинарское занятие прошло 9 февраля в редакции журнала "Кенеш".  Участниками семинара стали студенты Удмуртского госуниверситета, сотрудники Игринской, Якшур-Бодьинской, Дебесской, Алнашской, Можгинской районных газет, всего пятнадцать человек. С особенностями стилистики удмуртского языка познакомил собравшихся кандидат филологических наук Александр Федорович Шутов. Практическая часть занятия была посвящена анализу и редактированию текстов.

 

   4-тӥ "Кылкузё" семинар ортчиз. Ужрадэз нуиз кылбурчи Сергей Матвеев. Егитъёслы тунсыко уж дасямын вал: шуосъёсысь янгышсэ тупатыны но лыдӟисьлы валамонгес карыны, кылсярысь, калькированилэсь куштӥськыны. "Анаезлэсь алэмзэ ныр йылаз ӵупиз", " мылкыдъёссы люкиськизы", "ымаз серем пыры сюрем" но мукет таӵе примеръёс пыр Сергей Васильевич валэктӥз удмурт кыллэсь "ӟучомемзэ". 


Аня Загуменнова лыдӟиз эссезэ нош Марина Пахомова кылбуръёссэ. Семинаре пыриськисьёс соослы янгышъёссэс веразы но умой дэмланъёс ӵектӥзы. Ачиз но Сергей Матвеев лыдӟиз кылбурзэ. "Дактиль шӧмо мылкыд" кылбурлэн пуштросэз бордысен размер но мылкыд кусыпъёс сярысь вераськонэ выжизы. Кыӵе размерен умойгес ӝутскем мылкыдэз возьматыны, нош кыӵе размер малпаськонэз, лабыртонэз ӟечгес суреда? Тӥледлы но со кылбурен тодматскыны дэмласькомы.

Ош кадь бурсӥз но вӧлскиз инбаме, 
Ӵуж шундыен вылтырзэ валчеяз. 
Та улонын вордӥськиз мынамез 
Вӧсь шӧдонэ - узыен бычыяз. 
Тэль саюлысь узыё кушъёслэсь 
Мон со дырысь юисько шыпытсэс. 
Та улонэ но ӧз куша, ӧз лэзь 
Ас бордысьтыз монэ чылкак, быдэс. 
Юг тысеным пазьгисько дуннеез, 
Льӧль -ӵыжытэн бычыра со - емыш. 
Мар гинэ вань сьӧлыко дуноез 
(Нош сьӧлыктэм ке - дунтэм со), - эн ыш! 
Мед гомалоз музъемлэн кыд-бурез! 
Мед яратоз адями ог-огзэ! - 
Ош кадь юнме-а бурсӥз кылбуре, 
Ӵуж шундыен герӟаса гогызэ?!

 

  
  

    2-тӥ семинаре куное Виктор Леонидович Шибанов ветлӥз .

Виктор Леонидович дэмлаз Алексей Ермолаевлэсь «Поэзиен тодматскон» книгазэ басьтыны.

«Асьмеос ивор яратӥськом вераны, а поэзиен самой бадӟым курон изображение возьматон» – Шибанов В.Л.

Эскерон уж таӵе кылбуръёсын мынӥз:

 

Татьяна Баталёвалэсь «Тон мынам гинэ».

 

Гуртэ мынам – доре,

Мынам, мынам гинэ.

Сэрег висъяй сюлмам –

Котьку луод бордам.

 

Монэ ӟеч будэтӥд,

Кайгуослэсь утид.

Вордӥд яратыса,

Дышетыса, визьнодаса

 

Кезьыт нуналъёсы

Шунтӥд сиосыныд,

Мӧзмыт вакытъёсы –

Уӵы чирдэменыд.

 

Нюлэс шаугетэмед

Али но пель сьӧрам,

Возь выл сяська зыныд

Ялан улэ бордам.

 

 

Марина Пахомова «Шундылэсь дэремзэ мон куро…»

 

Шундылэсь дэремзэ мон куро,

Та курмем мугорме бинялто.

Йырсиям жагтурын но куро,

Тузонэсь вылтырме жуге тӧл.

 

Шундылэн дэремез – векчи бинт,

Ку пушкам со пыӵа но пыӵа,

Йыр вадьсам уйжомем лек чибинь –

Куртчылэ – кортӵоген кадь йыга.

 

Та гольык тузонэсь мугорме

Бинялтон дэремтэк мон кыли.

Лек муртлэсь ворсаськон зӧк куме

Валас-а, валатэк-а кыли.

 

Шундылэсь дэремзэ мон куро,

Та курмем мугорме бинялто.

Йырсиям жагтурын но куро,

Тузонэсь вылтырме жуге тӧл.

 

 

 

 

Евгений Александров «Пиос гижы буяло…»

Пиос гижы буяло,

Нылъёс – ваче жугисько.

Кин ке «мачо» кариське,

Йырсизе мача каре –

Юромо гелен зыра,

Аслаз визьмыз вань меда?

Мукетыз нош дан поттэ –

Татухазэ возьматэ.

Мар-о шуод – тунсыко,

Смыслэз но, пе, вань уго

Куинетӥез но уг ул каньыл,

Солы медло экстрим но тыл,

Зэм, ожмаське со…пукыса,

Компьютер бордаз пумыса.

 

Марина Дозорова «Театрын»

 

Ву тулкымъёс вылтӥ бызись

Синьмаськымон шудэ рользэ.

Кӧня кылъёс кулэ, лыдӟись

Суреданы чебер туссэ.

Юсь кадь тӧдьы, йӧно вылтыр

Сцена вылын эктэ тӧлъя,

Синкылиос тырмо гадьын,

Нош со лоба, лоба, лоба…

Мон одӥгез тросэз пӧлысь

Выйи синмаз – лыз зарезе.

Ву тулкымъёс вылтӥ бызись

Ӧз сёты нокинлы кизэ.

 

  

  

 


Ивор гожтонлэн — аслаз куронъёсыз

7-тӥ оштолэзе "Кенеш" журналлэн "Кылкузё" семинараз дышетскыны нош люкаськылӥзы удмурт кылын чебер гожъяськыны мылкыд карисьёс. Таяз учыре семинаре ёрос газетъёслэн удмурт кылын потӥсь приложениосазы ужась журналистъёс вуизы. Нимысьтыз саклык висъямын вал иворъёс гожъянлы. Со пумысен вераськиз иворъёсъя "Удмуртия" агентствоысь редактор Майя Бывальцева. Занятиын озьы ик эскеремын вал Можга но Эгра ёросъёсын потӥсь удмурт газетъёслэн кылзы.

"Кылкузё" семинар выльысьсэ  ужзэ азьланьтоз 17-тӥ оштолэзе. 

  
  
  
  

 


 

 

 

Гажано лыдӟисьёсмы!

 

«Кенеш» журналлэн 1-тӥ номерез потиз ни, отысь лыдӟоды:

 

 

 

Сергей Матвеевлэсь "Нылкышно" роман-чигвесьысьтыз люкетъёссэ;

Ульфат Бадретдиновлэсь «Лобась Ке, яке Дырез азьпалтон» фэнтезизэ (пумыз);

Елена Виноградовалэсь "Кылчинпиос экто но кырӟало..." кылбур сузьетсэ;

Анатолий Матвеевлэсь нылпиослы "Мунчо, Лёгор но вумурт" выжыкылзэ;

Атаманов-Эграпи Микальлэсь "Покчи дор музъеме" тодэ ваёнъёссэ. Таяз учыре  автор зоотехникын ужам аръёссэ тодаз вае;

Валей Кельмаковлэсь "Удмурт кылын гожъяськонысь одиг-ог чыры-пырыос ласянь чакламъёс" статьязэ;

Лыдзисьёсмылэсь гожтэм чуръёссэс: Башкортостанысь Татышлы ёросысь автормылэсь Ольга Нигаматуллиналэсь кылбур сузьетсэ, вероссэ, Грак ёросысь Вуж Эгра гуртысь Виктор Крестьяниновлэсь, Сарапул карысь Раиса Трофимовалэсь, Можга ёросысь Бадзым Сибы гуртысь Тамара Ионовалэсь, Дэбес ёросысь Сюрногуртысь Зеленфия Корепановалэсь выль кылбуръёссэс;

Яков Майковлэсь пышкылонъёссэ;

Лидия Нянькиналэсь Алнашысь Валерий Гоголев туспуктылись сярысь мадемзэ;

Вячеслав Кирилловлэсь Галина Калугиналэн кылъёсызъя гожтэм выль кырзанъёссэ;

Туэ 15 толшоре 70 арессэ пусйиз писатель, публицист Николай Кузнецов. Журналысь Владимир Михайловлэсь Николай Спиридоновичен интервьюзэ лыдзе;

Валентин Кельмаковлы — 75 арес. Тодосчи сярысь журналын маде ӵош ужась эшез Мира Самарова.

  


Милям календарьмы

 

ОШТОЛЭЗЬ (АПРЕЛЬ)

 

1Лидия Дмитриевна Чернова кылбурчи 90 арессэ (1927) пусъе. Эгра ёросысь Зура черкогуртын вордӥськиз. Сизьым классъем Зура школаез йылпумъяса, Иже кошкиз но куинь арзэ машина поттон заводын ужаз.  Война бере аръёсы Зураын, Якшур-Бӧдья ёросысь Лынгаын, Можга ёросысь Пазялын 15 ар ӵоже лыдъян-чотан удысын тыршиз, нош 1963-тӥ арысен пенсие потытозяз — Пазял лыдњетъюртын (библиотекаын).

Нылпиослы сӥзем нырысетӥ кылбуръёсыз 1960-тӥ арын «Советской Удмуртия» газетын потӥзы, нош бератаз выль чуръёсыз — 1965-тћ арын нылкышноослэн «Ныл сюлэм» бичетазы. Собере кылбуръёсыныз, поэмаосыныз, выжыкылъёсыныз книгаосыз огез бӧрсьы мукетыз  пичи лыдӟисьёс доры вуизы: «Ӟеч уж» (1967), «Доброе дело» (1968), «Тубат бӧрсьы тубат» (1995), «Кин отын?» (1981), «Кто там?» (1981), «Кин уг гажа чылкытэз?» (1989), «Котьма сярысь ќжытак» («Вордскем кыллэн» книжкаез — 1994, № 4), «Чыры-пырыен» («Вордскем кыллэн» книжкаез — 1996, № 2). Лидия Дмитриевна мќйыослы но кылбуръёс гожъя, 2000-тћ арын «Улон — йыромон» бичетэз потћз, 2012-тћ арын — «Шурдыт выж».  

9 — Владимир Александрович Самсонов кылбурчилы вордћськемез дырысен — 70 ар (1947—1975). Самсоновъёслэн выжыысьтызы куинетћез гожъяськись Пичи Пурга ёросысь Тыло гуртын вордћськиз. Бобья-Учаысь сизьым классъем школаез йылпумъяса, дышетскыны Можга педучилищее пыриз. Отын кылбуръёс гожъяны кутскиз, литературая кружоке мылысь-кыдысь пыриськиз. Педучилище бере Вуж Мќнья, Гожня школаосын дышетћз, ужан висказ Удмурт пединститутын дышетскиз. Но солы вылћ дышетсконниез йылпумъяны ќз кылды: секыт висеменыз, улонэз уриськиз.

 Кылбуръёсыз «Ачим адњо» (1974), «Увижу сам» (1977), «Улон сюрес» (1989) бичетъёсын потћзы.

19 — Борис Осипович Корман кылосбур тодосъя докторлы, профессорлы вордскемез дырысен — 95 ар (1922—1983). Белоруссиысь Речице карын вордћськиз. 1939-тћ арысен Гомельысь пединститутын дышетскиз. Быдњым тылож кутскемен, 1941-тћ арын Узбекистанэ кошконо луиз (синмыз лябен армие ќз басьтэ), отысь сакыр поттон заводын ужаз. 1942-тћ арын дышетсконзэ Ленинабадысь пединститутын азьланьтћз, собере школаын ужаз. Сталинабад пединститутысь аспирантураез йылпумъямез бере отын ик дышетћз. «Космополитъёсты» кышкатыса возён вакытэ Борис Корманэз юнме шорысь ужысьтыз уллязы. Пќртэм вылћ дышетсконниосын тыршемез бере 1971-тћ арын Удмурт пединститутэ лыктћз, улонысь кошкытозяз њуч но советской литературая кафедраен кивалтћз.

1965-тћ арын Ленинградысь университетын «Н. А. Некрасовлэн лирикаез» уженыз доктор диссертацизэ утиз. Вань улонзэ Некрасов, Грибоедов, Пушкин, Баратынский, Тютчев, Достоевский но мукет быдњым њуч гожъяськисьёслэн творчествозылы сћзиз, соослэсь ужъёссэс выль сямен учкыны, эскерыны тодослыко валан кылдытћз. Борис Корманлэсь кылдытэм сќзнэтсэ (системазэ) табере быдэс дуннеын тодо но дунъяло ни.        

30 — Фома Кузьмич Ермаков литературатодосчилы вордскемез дырысен —  90 ар (1927—2015). Вавож ёросысь Бадњым Кион гуртын вордћськемын. Удмурт пединститутэз йылпумъяса, Алнаш ёросысь Њатча школаын дышетћз, книгапоттонниын тыршиз, Историяя, кылъя но литературая Удмурт институтын,  чеберлыко литератураез вќлмытонъя бюроын, Дышетћсьёслэсь тодон-валанзэс будэтонъя институтын ужаз.  

Вань улонзэ удмурт литератураез эскеронлы сћзиз. Нимаз книгаосын Михаил Петровлэн, Григорий Медведевлэн, Трофим Архиповлэн, Куњебай Гердлэн, Семён Самсоновлэн творчествозылы сћзем ужъёсыз потћзы. Трос кужымзэ сётћз школаослы удмурт литературая программаос, дышетскон пособиос дасянлы. Удмуртъёс пќлын со нырысетћез филологи наукаосъя кандидат но литературатодосъя профессор луиз.

     

КУАРТОЛЭЗЬ (МАЙ)

 

10 — Владимир Пантелеевич Михайлов кылбурчи 60 арессэ (1957) пусъе. Можга ёросысь Ягул-Какси гуртын вордћськиз. Вуж Юбера гуртысь тямыс классэз но Можгаысь шор ёзо школаез йылпумъяса, Удмурт пединститутын дышетскиз. 1979-тћ арысен Яр ёросысь Лековай школаын дышетћз, собере Удмуртиысь писательёслэн тќрозылэн юрттћсез луыса, чеберлыко литератураез вќлмытонъя бюроын тыршиз, 1987-тћ арысен Удмурт радиоын ужа.

Школаын дышетскыкуз, кылбуръёс гожъяны кутскиз. 1988-тћ арын нылпиослы кылбуръёсыз «Лобњы, лобњы, дыдыке» бичетэн потћзы, 2015-тћ арын — серемес веросъёсын, кылбуръёсын «Ватка палась Ваняос» бичетэз. Нылпиослы кылбуръёсыз, поэмаосыз тросэз «Вордскем кыллэн» книжкаяз печатласькылћзы.

Радиокылзћсьёслы «Ладилэн азбараз» передачаеныз тужгес но тодмо.

15 — Евграф Спиридонович Баранов кылбурчилы но прозаиклы вордскемез дырысен — 105 ар (1912—1942). Ува ёросысь Лоллэзьйыл гуртын вордћськиз. Ижысь комвузэз йылпумъямез бере «Гудыри», «Удмурт коммуна» газетъёсын ужаз, «Нылгинская правда» ёрос газетлэн редакторез вал. Быдњым тылож кутскем бере ик фронтэ кошкиз но 1942-тћ арын толсуре бырыны шедиз.

1929-тћ арын веросъёсыныз «Ваё сюрес» бичетэз потћз. Кылбуръёсыз «Кенеш» журналын, «Гудыри», «Удмурт коммуна» газетъёсын печатласькылћзы.

   

ИНВОЖО (ИЮНЬ)

 

1 — Николай Павлович Мрыхин кылбурчилы вордћськемез дырысен — 75 ар (1947—2015). Пермь улосвылысь Усть-Тырым карын вордћськиз. Пермьысь гурт возёсъя институтэз йылпумъяса, Ижысь механикая заводын ужаз, 1972-тћ арысен — агрохимия «Удмуртский» элькун центрын.

Нырысь кылбуръёсыз Пермьысь гурт возёсъя институтысь «За сельхозкадры» газетын потћзы, 2000-тћ арын — кылбуръёсыныз «Слово», «Песочные часы» бичетъёсыз, 2001-тћ арын — «Ночной корабль», 2003-тћ арын — «Пора предзакатная», 2007-тћ арын — «Высокое родство». Николай Мрыхинлэн кылбуръёсызъя крезьгурчиос 47 пала кырњан гожтћзы. 2005-тћ арын кырњанъёсыныз кык дискен «Талисманы любви» альбом поттћз.    

25 — Пётр Николаевич Кубашев прозаиклы вордћськемез дырысен — 85 ар (1932—2010). Алнаш черкогуртын вордћськиз. Удмурт пединститутлэн кылъя но литературая ёзаз, компартилэн ЦК-езлэн Вылћ партийной школаяз, Москваысь лулчеберетъя институтлэн аспирантураяз но Ижысь курезьгуръя училищеын тодон-валан люказ. Татарстанысь Ципъя школаын дышетћз, Удмурт радиоын но телевидениын, КПСС-лэн Удмурт обкомаз ужаз, «Алнаш колхозник» ёрос газетлэн редакторез вал, 1967—73-тћ аръёсы — Удмуртиысь лулчеберетъя министрлэн воштћсез, 1974—80-тћ аръёсы Орлов карысь лулчеберетъя институтын дышетскиз, берло аръёссэ шутэтскыны кошкытозяз «Дась лу!» газетын но «Молот» журналын тыршиз.

Лыдњисьёслы Пётр Кубашев «Пал ката» поэмаеныз (1963) тодмо луиз, собере «Габи Ладёк» (1981), «Удалтэм аръёс» повестез (1988), «Огпаръёс» повестьёсыз («Кенеш» журналын 1992-тћ арын потћз), «Кайсы» романэз («Кенеш» журналын 2001—2002-тћ аръёсы потћз) вуизы. Писатель — калыке вќлмем трос кырњанъёслэн авторзы: «Ой тћ, чебер нылъёс!», «Алнаш сярысь кырњан», «Усё куаръёс», «Возьдаськись нылмурт», «Эх, туганэ!», «Комбайнёр лыктэ» но мукет.